Ministria e Shëndetësisë së Italisë tha të martën se kishte dhënë leje për të udhëtuar në gjashtë pika turistike jo-evropiane pa pasur nevojë për karantinë si një masë paraprake COVID-19 qoftë kur mbërrijnë ose kur kthehen.

Italianët do të lejohen të udhëtojnë në Maldive, Sishel, Mauritius, Egjipt (por vetëm Sharm El Sheikh dhe Marsa Alam), Republikën Dominikane dhe Aruba në atë që ministria i quajti itinerare turistike të kontrolluara, transmeton arbresh.info

Këto destinacione të njohura për italianët që kërkojnë diell në dimër shënojnë një përjashtim nga vendet e tjera jashtë Bashkimit Evropian, të cilat kërkojnë karantinë kur kthehen në Itali.

Të gjithë ata që largohen për në vendet e përzgjedhura duhet të kenë një “Green Pass” që tregon imunitet ndaj COVID – qoftë për shkak të vaksinimit ose infeksionit të mëparshëm – dhe gjithashtu duhet të paraqesin një test negativ të paktën 48 orë para nisjes, sipas urdhrit të nënshkruar nga ministri i Shëndetësisë Roberto Speranza.

Pasi të kthehen në Itali, njerëzve nuk do t’u kërkohet të kalojnë në karantinë nëse kanë paraqitur një test tjetër negativ, të kryer jo më shumë se 48 orë para se të hipin në aeroplanin e tyre.

Këto të ashtuquajtura korridore turistike pa COVID janë ngritur në baza eksperimentale, tha ministria e shëndetësisë./reuters/arbresh.info/